خدائے عظیم و حلیم کے علاوہ کوئی خدا نہیں ہے۔

اس صاحب عرش کریم کے علاوہ کوئی پروردگار نہیں ہے۔

ساری حمد اس اللہ کے لئے ہے جو ربّ العالمین ہے

خدایا میں تجھ سے رحمت کے اسباب

اور مغفرت کے عزائم کا سوال کر رہا ہوں،

مجھے ہر نیکی میں حصہ

اور گناہ سے سلامتی عنایت فرما۔

خدایا میرا کوئی گناہ ایسا نہ ہو جسے تو بخش نہ دے

اور کوئی رنج ایسا نہ ہو جسے تو دور نہ کردے

اور کوئی بیماری ایسی نہ ہو جس سے شفا نہ دے دے

اور کوئی عیب ایسا نہ ہو جسے چھپا نہ دے

اور کوئی رزق ایسا نہ ہو جس میں وسعت نہ دے دے

اور کوئی خوف ایسا نہ ہو جس سے امن نہ دے دے

اور کوئی برائی ایسی نہ ہو جسے موڑ نہ دے دے

اور کوئی حاجت ایسی نہ ہو جس میں کہ تیری رضا اور میرا فائدہ ہو اور تو اسے پورا نہ کردے

اے ارحم الراحمین میری دعا کو قبول فرما لے

کہ تو ربّ العالمین ہے۔

میں خدا ہی سے وابستہ ہوں،

اسی پر اعتماد رکھتا ہوں

اور اسی پر بھروسہ کرتا ہوں

خدایا اگر میرے گناہ عظیم ہیں تو تو عظیم تر ہے

اور اگر میری کوتاہیاں بڑی ہیں تو تو ان سے بزرگ تر ہے

اور اگر میرا بخل دائمی ہے تو تو بہرحال جوادو کریم ہے۔

خدایا میرے عظیم گناہوں کو اپنی عظیم معافی سے معاف کردے

اور میری تمام کوتاہیوں کو اپنے کرم سے بخش دے،

میرے بخل کو اپنے فضل و جود و کرم سے اکھاڑ کر پھینک دے۔

خدایا میرے پاس جو نعمت بھی ہے وہ تیری ہی طرف سے ہے

تیرے علاوہ کوئی خدا نہیں ہے،

میں تجھ سے معافی چاہتا ہوں اور تیری بارگاہ میں توبہ کرتا ہوں۔