تعقیبات — نمازِ عصر

میں اس خدا سے استغفار کرتا ہوں جس کے علاوہ کوئی خدا نہیں ہے،

اور وہ حی و قیوم،

رحمان و رحیم

اور صاحب جلال و اکرام ہے

اوراس سے سوال کرتا ہوں کہ

میری توبہ کو اس طرح قبول کر لے جس طرح کہ ایک بندہ ذلیل و حقیر و

فقیر و پریشان حال و

مسکین،بیچارہ و طالب پناہ کی دعا قبول کی جاتی ہے

جس کے پاس نہ کسی فائدہ کا اختیار ہو اور نہ نقصان کا

نہ موت کا اختیار نہ زندگی کا اور نہ حشر و نشر کا

خدایا میں تیری پناہ چاہتا ہوں اس نفس سے جو کبھی سیر نہ ہو،

اس دل سے جس میں خشوع نہ ہو،

اس علم سے جس کا کوئی فائدہ نہ ہو،

اس نماز سے جو تیری بارگاہ تک پہنچ نہ سکے

اور اس دعا سے جو قابل قبول نہ ہو۔

خدایا میں زحمت کے بعد آسانی،

تنگی کے بعد وسعت

اور شدت کے بعد سہولت کا طلب گار ہوں۔

میرے پاس جو نعمت بھی ہے وہ تیری ہی دی ہوئی ہے،

تیرے علاوہ کوئی دوسرا خدا نہیں ہے۔

میں تجھ ہی سے استغفار کر رہا ہوں اور تیری ہی بارگاہ میں توبہ کر رہا ہو۔