تعقیبات — نمازِ فجر

خدایا محمدؐ و آل محمدؐ پر رحمت نازل فرما

اور جہاں بھی حق کے بارے میں کوئی اختلاف ہے مجھے حق کی ہدایت عطا فرما

کہ تو جس کو چاہے صراطِ مستقیم کی ہدایت دے سکتا ہے۔

خدایا محمدؐ و آل محمدؐ پر رحمت نازل فرما

وہ آل پیغمبر جو اوصیاء ہیں اور تجھ سے راضی ہیں اور تیرے پسندیدہ بھی ہیں

انھیں بہترین صلوات عطا فرما

اور بہترین برکتوں سے سرفراز فرما،

سلام ان پر ان کے

ارواح و اجسام پر،

اور اللہ کی تمام رحمتیں اور برکتیں ان کے لئے ہیں۔

خدایا ہمیں اس راستہ پر زندہ رکھنا جو علیؑ ابن ابیطالبؑ کا راستہ ہے

اور اسی پر موت دینا جو علی بن ابی طالب علیہ السلام کا راستہ ہے۔

میں خدا کی بارگاہ میں استغفار اور توبہ کررہا ہوں

پروردگار میں تجھ سے عافیت کا سوال کر رہا ہوں

میں جہنم سے خدا کی پناہ چاہتا ہوں

میں خدا سے جنت کا سوال کرتا ہوں

میں خدا سے حورعین کا سوال کرتا ہوں

اس خدا کے علاوہ کوئی خدا نہیں ہے جو بادشاہ برحق ہے

پروردگار محمدؐ و آل محمدؐ پر رحمت کرے

پاک و پاکیزہ ہے وہ خدا

اور حمد اسی کے لئے ہے۔

اس کے علاوہ کوئی خدا نہیں ہے۔

وہ سب سے بزرگ ہے۔

اس خدائے علی و عظیم کے علاوہ کوئی قوت و طاقت نہیں ہے۔

جو خدا نے چاہا وہ ہو گیا اس لئے کہ خدائے علی و عظیم کے علاوہ کسی کے پاس کوئی طاقت نہیں ہے۔

خدایا میں نے اس محکم رشتے سے تمسک کرتے ہوئے صبح کی ہے

جس سے محکم تر کوئی رشتہ نہیں ہے تا کہ میں

ہر ظالم اور راہزن کے شر سے محفوظ رہوں

چاہے وہ تیری جانداد مخلوق میں ہو یا

بے جان مخلوق میں، صامت ہو یا ناطق

کہ میں ہر خوفناک چیز سے پناہ میں رہوں

اس لباس عافیت کے طفیل میں

جو تیرے پیغمبر کے اہل بیتؑ کی محبت ہے

اور اپنے کو محفوظ رکھوں ہر اس شخص سے جو میرے لئے کسی اذیت کا ارادہ کرے

اور اس محکم سد سکندری کے ذریعہ

جو حق اہل بیتؑ کے اعتراف میں اخلاص

اور ان کی ہدایت سے تمسک کے ذریعہ حاصل ہوتا ہے

اس یقین کے ساتھ کہ حق ان کے لئے ہے،

ان کے ساتھ ہے اور انھیں میں ہے

میں ان سب سے محبت کرتا ہوں جو ان سے محبت کریں

اور ان سب سے الگ رہتا ہو جوان سے الگ ہو گئے ہیں۔

خدایا مجھے ان کے طفیل میں

ہر اس شئے کے شر سے محفوظ رکھنا جس سے میں بچنا چاہتا ہوں۔ اے خدائے عظیم

میں نے تمام دشمنوں کو روک دیا ہے اس مالک کے سہارے جو زمین و آسمان کا پیدا کرنے والا ہے

جس کا ارشاد ہے کہ ہم نے ان کے سامنے

اور پشت سے ایک دیوار قائم کردی ہے

اور ان کی آنکھوں پر پردے ڈال دئیے ہیں کہ اب وہ ظالم کچھ دیکھ نہیں سکتے ہیں۔

پاک و منزہ ہے وہ خدائے بزرگ اور حمد اسی کے لئے ہے۔

کوئی طاقت اور کوئی قوت اس خدائے علی و عظیم کے علاوہ نہیں ہے۔

اور کوئی قوت اور توانائی اس خدائے علی و عظیم کے علاوہ نہیں ہے۔

خدایا میں تجھ سے محمدؐ و آل محمدؐ کے اس حق کے وسیلہ سے سوال کرتا ہوں

جو تونے ان کے اوپر قرار دیا ہے کہ محمدؐ و آل محمدؐ پر رحمت نازل فرما

اور ہماری آنکھوں میں نور،

ہمارے دین میں بصیرت،

ہمارے دل میں یقین،

ہمارے عمل میں اخلاص،

ہمارے نفس میں سلامتی،

ہمارے رزق میں وسعت دے

اور ہمیں شکر کی توفیق عطا فرما کہ جب تک زندہ رہوں تیرا شکر ادا کرتا رہوں۔

اللہ محمدؐ و آل محمدؐ پر رحمت نازل کرے

میں اپنے معاملات کو خدا کے حوالے کر رہا ہوں

کہ وہ اپنے بندوں کے حالات کو بہتر جانتا ہے۔

اللہ بندوں کو لوگوں کے مکر وشر کی برائی سے بچانے والا ہے۔

اے خدا تیرے علاوہ کوئی معبود نہیں ہے۔

میں خود اپنے حق میں ظلم کرنے والا ہوں،

ہم ہی نے بندے کی دعا قبول کی اور اسے غم سے نجات دے دی

اور ہم اسی طرح مومنین کو نجات دیا کرتے ہیں،

میرے لئے خدا کافی ہے اور وہی بہترین ذمہ دار،

لوگ اس کے نعمت و فضل سے یوں منقلب ہوئے کہ

ان تک کوئی برائی نہیں پہنچ سکی۔

جو اللہ نے چاہا وہ ہو گیا کہ

اس کے علاوہ کوئی طاقت نہیں ہے۔

اسی کا چاہا ہوتا ہے۔ لوگوں کا چاہا نہیں ہوتا ہے۔

جو چاہتا ہے ہو جاتا ہے چاہے لوگوں کو ناگوار ہی کیوں نہ ہو،

میرے لئے پالنے والا تمام مخلوقات کے مقابلہ میں

اور خالق تمام مخلوقات کے مقابلہ میں

اور رزق دینے والا بندوں کے مقابلہ میں کافی ہے۔

اور خدائے ربّ العالمین بہر حال کافی ہے،

میرے لئے وہی کافی ہے جو کافی ہے۔

وہ ہمیشہ سے کافی ہے۔

جب سے میں وجود میں آیا ہمیشہ میرے لئے کافی رہا۔

وہی خدا خدائے کافی ہے، اس کے علاوہ کوئی خدا نہیں ہے۔

اسی پر میرا بھروسہ ہے

اور وہی صاحبِ عرش عظیم ہے۔